Milani po kalon një krizë të thellë me një luftë të brendshme pushteti që mund të sjellë ndryshime rrënjësore në drejtimin e klubit. Mediat italiane raportojnë se drejtori ekzekutiv Giorgio Furlani, këshilltari Zlatan Ibrahimović dhe ish-drejtuesi Adriano Galliani janë emra të përfolur për të marrë rolin kryesor në klub, ndërsa drejtori sportiv Igli Tare pritet të largohet nga projekti aktual. Situata është përkeqësuar nga rezultatet negative dhe protestat e tifozëve, sidomos pas humbjes ndaj Atalantës, që ka rritur tensionet edhe ndaj trajnerit Massimiliano Allegri. Përplasjet mes Allegrit dhe Ibrahimovicit mbi menaxhimin sportiv kanë shtuar paqartësitë për të ardhmen e Milanit dhe po tronditin ambientin kuqezi.