Ibrahima Konaté ka vendosur të mos rinovojë kontratën me Liverpoolin dhe do të largohet si lojtar i lirë në fund të sezonit, duke u bërë një prej emrave më të kërkuar në merkato. Real Madridi, Bayern Munichu dhe Chelsea kanë nisur kontaktet me agjentin e mbrojtësit francez, duke hapur një garë të fortë për firmën e tij. Pas një periudhe dyshimesh dhe rënieje në formë, Reali po rikthen interesimin, ndërsa edhe klube nga Serie A dhe Al-Ittihadi nga Arabia Saudite janë në garë për të siguruar shërbimet e tij. Vendimi i Konatés dhe konkurrenca e fortë e bëjnë këtë transferim një prej më të ndjekurve të verës në futbollin evropian.