Konflikti i përshkallëzuar mes Iranit, Shteteve të Bashkuara dhe Izraelit ka ndikuar drejtpërdrejt në kalendarin e Ligës Profesioniste Saudite dhe Championsit Aziatik të futbollit. Ndeshjet e planifikuara për mars, përfshirë ato ku merr pjesë skuadra e Mario Mitajt, Al Itihad, janë shtyrë për shkak të situatës së pasigurt në rajon. Katari ka ndërprerë kampionatin dhe aktivitetet sportive, ndërsa Federata Aziatike e Futbollit ka vendosur të shtyjë ndeshjet e të tetave të finaleve të Championsit ku marrin pjesë skuadra nga Gjiri Persik. Klubet saudite kanë propozuar zhvillimin e ndeshjeve në fusha neutrale, por deri tani nuk ka marrëveshje për ndryshime të menjëhershme.