Real Madrid po përballet me një zgjedhje të rëndësishme për trajnerin e sezonit të ardhshëm, ku Jurgen Klopp shihet si prioriteti kryesor i klubit. Drejtuesit madrilenë janë të gatshëm t’i ofrojnë Klopp më shumë kompetenca në vendimmarrje për ta bindur të vijë në “Santiago Bernabeu”. Në këtë situatë, rikthimi i Jose Mourinhos te Real Madrid varet drejtpërdrejt nga negociatat me trajnerin gjerman. Mourinho, i cili aktualisht është me Benficën, ka vendosur një afat për të marrë një vendim mbi të ardhmen e tij, duke mos dashur të prishë kontratën pa një ofertë të qartë nga Real Madrid. Nëse marrëveshja me Klopp realizohet, klubi pritet të tërhiqet nga ndjekja e Mourinhos, duke i hapur rrugë këtij të fundit për të vijuar projektin e tij në Portugali.