Edon Zhegrova, futbollisti i Kombëtares së Kosovës dhe aktualisht pjesë e Juventusit, është në qendër të interesit të disa klubeve turke për këtë verë. Fenerbahçe, nën drejtimin e kandidatit presidencial Aziz Yildirim, ka vendosur Zhegrovën në listën e përforcimeve të mundshme, duke premtuar investime të mëdha në rast fitoreje në zgjedhjet e 7 qershorit. Megjithatë, konkurrenca për shërbimet e 27-vjeçarit është e fortë, pasi edhe Trabzonspor dhe Beşiktaş janë të interesuar për të. Zhegrova ka kontratë me Juventusin deri në vitin 2030, por klubi italian ende nuk ka marrë një vendim për të ardhmen e tij, ndërsa ai ka luajtur 27 ndeshje në sezonin e kaluar pas transferimit nga Lille.