Luis Díaz ka vendosur të vazhdojë karrierën e tij te Bayern Munich, duke refuzuar ofertën e bujshme prej 60 milionë funtesh nga klubi saudit Al Hilal. Sipas raportimeve, Al Hilal kishte shprehur interes të madh për sulmuesin kolumbian dhe po përgatitej të bënte një ofertë të rëndësishme gjatë kësaj vere. Megjithatë, Díaz i ka komunikuar drejtuesve të Bayernit dëshirën e tij për të qëndruar në Mynih dhe për të vazhduar aventurën me kampionët e Bundesligës. Nga ana tjetër, edhe klubi bavarez është i kënaqur me performancat e tij dhe nuk ka ndërmend ta shesë, duke e konsideruar lojtar kyç për projektin e sezonit të ri.