Luis Enrique ka nënshkruar kontratë të re me Paris Saint-Germainin, e cila do ta mbajë atë në krye të skuadrës deri në vitin 2030. Me këtë marrëveshje, paga e trajnerit spanjoll është rritur ndjeshëm, duke arritur në afro 20 milionë euro në sezon, nga 12 milionë euro që merrte më parë. Kjo e bën atë një nga trajnerët më të paguar në botë, një vendim që mediat spanjolle e konsiderojnë si një shpërblim të merituar për sukseset e tij, përfshirë fitimin e Ligës së Kampionëve në dy edicionet e fundit me PSG-në. Megjithëse sezoni i ri në Ligue 1 ka nisur me vështirësi për klubin, drejtuesit e PSG-së kanë besim të plotë në Luis Enriquen dhe e mbështesin atë në planin afatgjatë.