Trajneri i Paris Saint-Germain, Luis Enrique, pritet të largohet nga klubi francez në qershor të vitit 2027, pas përfundimit të kontratës së tij, duke mos pritur rinovimin me PSG-në. Në mediat spanjolle dhe franceze po përflitet për një rikthim të mundshëm të tij te Barcelona, ku aktualisht trajner është Hansi Flick, i cili gjithashtu ka kontratë deri në qershor 2027. Enrique thuhet se është i hapur për këtë rikthim dhe mund të marrë me vete edhe sulmuesin e talentuar të PSG-së, Bradley Barcola, i cili pëlqehet shumë nga Barcelona. Megjithatë, për momentin të dy janë të fokusuar në përmbylljen e sezonit me sukses dhe gjithçka mbetet në nivel spekulimesh pa konfirmime zyrtare.