Sulmuesi kolumbian Luis Javier Suarez mund të bëhet një nga transferimet më të mëdha të verës në futbollin turk, pasi Fenerbahçe po përgatit një ofertë të rëndësishme për të. Kandidati për president të klubit, Hakan Safi, po synon të rikthejë Fenerbahçen në majat e futbollit turk dhe evropian përmes afrimeve të mëdha, ku Suarez është pjesë kyçe e këtij projekti ambicioz. Mediat turke raportojnë se sulmuesi i Sporting CP e sheh me interes këtë mundësi dhe oferta financiare që i është bërë është shumë e lartë dhe e vështirë për t’u refuzuar. Nëse marrëveshja përfundohet, Suarez do të jetë një nga yjet kryesore të Fenerbahçes dhe një nga transferimet më të komentuar të kësaj vere në futbollin turk.