Luka Modriç, mesfushori i AC Milan dhe kapiteni i Kroacisë, ka përfunduar sezonin pas një dëmtimi serioz në fytyrë gjatë ndeshjes kundër Juventusit. Ai pësoi një frakturë komplekse të mollëzës së majtë pas një përplasje aksidentale me Manuel Locatellin, që kërkoi ndërhyrje kirurgjikale në Milano. Operacioni u krye me sukses dhe Modriç ka nisur fazën e rikuperimit, i cili pritet të zgjasë rreth gjashtë deri në tetë javë, duke e detyruar të mungojë në pjesën e mbetur të sezonit. Megjithatë, ai mbetet në garë për të marrë pjesë në Kupën e Botës me Kroacinë, ku mund të luajë me maskë mbrojtëse, ndërsa mungesa e tij do të ndikojë ndjeshëm në organizimin e mesfushës së Milanit.