Kryetari i tifogrupit “Dardanët”, Lulzim Berisha, ka bërë thirrje të forta ndaj organeve të sigurisë për të ndaluar keqpërdorimin dhe tregtimin e paligjshëm të biletave për ndeshjen mes Kosovës dhe Turqisë. Ai njoftoi se sektori i “Dardanëve” është i tejmbushur dhe nuk ka më bileta në dispozicion, pasi ato janë shpërndarë vetëm për anëtarët me anëtarësim vjetor. Berisha shprehu shqetësim për faktin që biletat po shiten në tregun e zi dhe po përfundojnë te tifozët mysafirë, duke dëmtuar atmosferën dhe interesin kombëtar të ndeshjes. Ai u bëri thirrje tifozëve të mos bien pre e këtyre praktikave dhe kërkoi nga Policia e Kosovës dhe organet e rendit të ndërhyjnë për të ndaluar këtë fenomen, duke ruajtur unitetin dhe mbështetjen e njëzëshme të tifozëve për ekipin kombëtar.