Mbrojtësi i Kombëtares së Kosovës, Lumardh Dellova, është shpërblyer me çmimin për “Golin më të mirë të sezonit” në kampionatin bullgar, për golin e tij spektakolar të shënuar në shtator kundër ekipit Septemvri. Ai realizoi një gol nga një distancë prej rreth 60 metrash, duke bërë që të marrë këtë vlerësim të veçantë. Dellova, i cili luan për CSKA Sofjen që nga viti 2024, ka shënuar dy gola në 22 ndeshje këtë sezon dhe ka kontratë me klubin deri në verën e vitit të ardhshëm. Futbollisti shprehu falënderimet e tij për familjen, bashkëlojtarët dhe të gjithë ata që i kanë besuar, ndërsa ekziston mundësia që ky të jetë sezoni i tij i fundit në Bullgari për shkak të interesimit nga skuadrat e vendeve të tjera.