Mbrojtësi i kombëtares së Kosovës, Lumbardh Dellova, është shumë pranë transferimit te Dynamo Kyiv, klubi më i titulluar në Ukrainë me 17 kampionate. Sipas raportimeve nga mediat ukrainase dhe bullgare, ai është në bisedime të avancuara me drejtuesit e klubit dhe transferimi mund të kushtojë rreth 950 mijë euro. Dellova ka luajtur dy sezone me CSKA Sofian, ku ka shënuar katër gola dhe ka dhënë dy asistime në 65 ndeshje, ndërsa më parë ka qenë pjesë e skuadrave si Ballkani, Prishtina dhe Hajduk Spliti. Ai është i ftuar për dy ndeshjet miqësore të Kosovës dhe pritet të jetë pjesë e skuadrës që do të udhëtojë për në Çeki dhe më pas do të luajë ndaj Andorrës në Prishtinë.