Mbrojtësi i Kombëtares së Kosovës, Lumbardh Dellova, është shumë pranë transferimit te Dynamo Kyiv, klubi 17 herë kampion i Ukrainës. Pas dy sezoneve në CSKA Sofias, ku u shqua si një lojtar kyç, Dellova po përgatitet të nisë një sfidë të re në karrierën e tij, me një transferim që mund të kushtojë rreth 950 mijë euro. Ai do të bashkohet me skuadrën ukrainase pas dy ndeshjeve miqësore me Kosovën, duke u bërë pjesë e një prej klubeve më të mëdhenj në rajon. Ndërkohë, interesim për të kanë shfaqur edhe ekipe nga Arabia Saudite, Turqia dhe Rusia, por duket se destinacioni i tij i ardhshëm do të jetë Dynamo Kyiv.