Pas 24 rundesh intensive në Padel Zone, Mal Rezniqi u shpall kampion i edicionit të parë të serisë “Fly to Spain Winner’s Court”, duke grumbulluar 280 pikë dhe duke dominuar renditjen gjatë gjithë sezonit. Mbi 100 lojtarë morën pjesë në këtë garë unike në padel, e cila zgjati më shumë se gjashtë muaj dhe krijoi një komunitet të fortë rreth sportit. Si shpërblim për fitoren, Rezniqi fitoi një udhëtim pesëditor për dy persona në Barcelonë, të sponsorizuar nga Elite Travel. Organizatorët e Padel Zone shprehen të kënaqur me suksesin e edicionit të parë dhe njoftojnë nisjen e edicionit të dytë që do të fillojë të dielën e ardhshme, duke ftuar lojtarë të të gjitha niveleve të marrin pjesë.