Malisheva dhe Ballkani janë dy klubet kosovare që këtë javë luajnë ndeshjet e raundit të dytë kualifikues në Ligën e Konferencës, duke synuar avancimin në fazat më të larta të garës evropiane. Ballkani do të presë në “Fadil Vokrri” skuadrën irlandeze Bohemians, pas humbjes 2:1 në Dublin, ku goli i fitores u shënua në minutën e 90-të. Ndërkohë, Malisheva udhëton drejt Skocisë për të luajtur ndeshjen e kthimit ndaj Hibernian, me një avantazh 2:0 nga takimi i parë në Prishtinë, rezultat që i jep shpresë për një kualifikim historik në raundin e tretë kualifikues.