Nënkampioni i Kosovës, Malisheva, ka njoftuar largimin e shtatë lojtarëve nga skuadra e tyre, duke përfshirë Ilir Rexhën, Rilind Hetemin, Arbër Shalën, Riad Jasharin, Arian Telakun, Agustin Rojas dhe Tiago Gomesin. Klubi falënderoi futbollistët për angazhimin dhe kontributin e dhënë gjatë kohës që ishin pjesë e ekipit, duke u uruar suksese në rrugëtimin e tyre të mëtejshëm. Ky ndryshim vjen në prag të përgatitjeve të Malishevës për sfidat ndërkombëtare, ku do të përballet me Vllazninë e Shkodrës në kuadër të Conference League. Klubi po përqendrohet në përmirësimin e skuadrës për të arritur rezultate më të mira në arenën ndërkombëtare.