Mallorca pësoi një humbje të rëndë 2-0 në transfertë ndaj Levantes në xhiron e parafundit të La Ligës, duke u vënë në një pozicion shumë të vështirë për mbijetesë. Golat e fitores për Levanten u shënuan nga Carlos Espi në minutën e 31-të dhe Kevin Arriaga në minutën e 86-të, ndërsa në minutën e 85-të u ndëshkuan me karton të kuq nga të dyja skuadrat Johan Mojica dhe Roger Brugué. Sulmuesi i Kombëtares së Kosovës, Vedat Muriqi, luajti 90 minuta për Mallorcan, por nuk arriti të ndikojë në rezultatin përfundimtar, duke mbetur me 22 gola këtë sezon. Me vetëm një xhiro të mbetur, Mallorca ndodhet në vendin e 19-të me 39 pikë dhe rrezikon seriozisht rënien nga La Liga, ndërsa Levante është ngritur në vendin e 16-të me 42 pikë. Xhiroja e fundit do të jetë vendimtare për fatin e skuadrës së Muriqit, që do të presë në shtëpi Real Oviedon, skuadër tashmë e rënë nga elita.