Klubi spanjoll Mallorca i ka kushtuar një vëmendje të veçantë kapitenit të Kosovës, Vedat Muriqit, duke publikuar një vlog dhe postime të veçanta lidhur me ndeshjen e fundit të Kosovës në plejofin e Botërorit 2026 kundër Turqisë. Një përfaqësues i klubit ishte në Prishtinë për të ndjekur nga afër atmosferën para ndeshjes dhe momentet gjatë saj, duke përfshirë edhe dëshpërimin pas humbjes 1:0. Në videon e gjatë të publikuar, përfshihen pamje nga stadiumi “Fadil Vokrri”, kryeqyteti i Kosovës, si dhe momente të rëndësishme nga rrugëtimi i Muriqit drejt Botërorit. Vedat Muriqi ishte kapiten i Kosovës në këtë duel, duke zëvendësuar Amir Rrahmanin e lënduar, ndërsa klubi Mallorca tregon mbështetjen e tij të plotë në këtë moment të rëndësishëm për futbollistin dhe ekipin kombëtar.