FC Prishtina ka zyrtarizuar bashkëpunimin me Profesor Malsor Gjonbalaj, i cili do të marrë rolin e udhëheqësit të Këshillit Profesional të klubit. Gjonbalaj sjell një përvojë të thellë akademike dhe profesionale, si dhe një kontribut të rëndësishëm në futbollin kosovar, duke u bërë një nga figurat më të respektuara në këtë fushë. Në këtë pozicion, ai do të fokusohet në hartimin e planeve zhvillimore të klubit, me theks të veçantë në avancimin e Akademisë së të Rinjve. Klubi shpreh besimin se angazhimi dhe vizioni i tij do të forcojnë FC Prishtinën dhe do të ndihmojnë në realizimin e objektivave afatgjata për sukses më të madh.