Manchester City ka rifilluar interesimin për mesfushorin e Chelseat, Enzo Fernandez, duke e vendosur sërish në qendër të planeve të tyre për përforcimin e mesfushës. Ky zhvillim vjen pas lajmeve që Rodri është shumë pranë një transferimi te Barcelona, çka ka detyruar kampionët anglezë të kërkojnë alternativa për të mbuluar këtë boshllëk. Sipas gazetarit Gianluca Longari, operacioni për transferimin e argjentinasit është aktivizuar dhe ai mbetet një nga objektivat kryesorë të klubit. Enzo Fernandez, i cili u ble nga Chelsea me një shumë rekord për futbollin britanik, mund të jetë zgjidhja që Manchester City kërkon për të forcuar mesfushën e tyre në këtë periudhë tranzicioni.