Manchester City është shumë pranë përfundimit të marrëveshjes për mesfushorin e Lille, Ayyoub Bouaddi, por negociatat kanë zgjatur më shumë se sa ishte parashikuar për shkak të mosmarrëveshjeve për çmimin. Klubi anglez ka ruajtur qetësinë dhe mbetet i vetmi që po ndjek seriozisht këtë transferim, megjithëse tifozët janë paksa të zhgënjyer nga vonesa. Pas Bouaddit, City mund të tentojë edhe transferimin e Enzo Fernandez nga Chelsea, pavarësisht se më parë ishte distancuar nga kjo ide, pasi mesfushori është i hapur për një kalim te kampionët e Anglisë. Problemi kryesor mbetet shifra e kërkuar nga Chelsea, rreth 100 milionë euro, që është më e lartë se ajo që City është i gatshëm të paguajë aktualisht.