Manchester United është shumë pranë finalizimit të transferimit të mesfushorit Carlos Baleba, me një marrëveshje që kap vlerën e 65 milionë funteve plus 5 milionë funte bonuse, ose rreth 70 milionë euro. Palët kanë shkëmbyer dokumentet dhe Baleba ka kaluar pjesën e parë të testeve mjekësore, duke u afruar me firmosjen e kontratës që do të zgjasë deri në qershor të vitit 2031, me mundësi vazhdimi edhe për një vit. Ky transferim pritet të jetë një nga më të shtrenjtët për Manchester United dhe një lëvizje kyçe për mesfushën e skuadrës në sezonet e ardhshme. Eksperti i transferimeve Fabrizio Romano ka konfirmuar lajmin, duke theksuar se mungon vetëm zyrtarizmi për ta bërë Balebën pjesë të klubit anglez.