Manchester United ka konfirmuar vendosmërinë për të mbajtur në skuadër mesfushorin dhe kapitenin Bruno Fernandes, pavarësisht interesimit të madh nga klubet e Saudi Pro League. Gjatë tre viteve të fundit, ofertat për transferimin e portugezit në Lindjen e Mesme janë refuzuar, ndërsa klubi anglez beson se rikthimi në Ligën e Kampionëve do të jetë çelësi për ta bindur Fernandes të qëndrojë. Brenda klubit ekziston bindja se Fernandes mbetet një figurë kyçe dhe një pjesë e rëndësishme e projektit afatgjatë të “Djajve të Kuq”. Gjithashtu, marrëdhënia e mirë e Fernandes me ish-lojtarin Michael Carrick ka ndikuar pozitivisht në ambientin e skuadrës, duke forcuar vendosmërinë e klubit për ta mbajtur atë në “Old Trafford”.