Manchester United po përgatit një ofertë prej rreth 120 milionë eurosh për të transferuar mesfushorin e Real Madrid, Jude Bellingham, me shpresën për ta rikthyer klubin në krye të Ligës Premier. Klubi anglez e sheh Bellinghamin si liderin e ri të mesfushës dhe një pjesë kyçe për projektin e ardhshëm, sidomos pas largimit të afërt të Casemiros dhe nevojës për të forcuar mesfushën. Real Madridi, megjithatë, nuk ka ndërmend ta shesë lojtarin, duke e konsideruar atë një nga shtyllat kryesore të ekipit, ndërsa edhe vetë Bellingham është i lumtur në Madrid, gjë që e bën transferimin të vështirë. Manchester United është i gatshëm të rrisë ofertën deri në 150 milionë euro nëse negociatat përparojnë, duke synuar të krijojë një skuadër konkurruese dhe të përgatitur për të fituar tituj vendas dhe ndërkombëtarë.