Manchester United po përgatitet për një ndryshim të madh në mesfushë, ku pas largimit të Casemiros, edhe Manuel Ugarte mund të largohet në fund të sezonit. Mesfushori uruguaian, i cili u transferua nga Paris Saint-Germain për 50.7 milionë euro dy vite më parë, ka pasur vështirësi për t’u përshtatur në Premier League dhe tani po konsiderohet një opsion për largim, me interes të shtuar nga Serie A. Eksperti i transferimeve Fabrizio Romano ka konfirmuar se procesi për një kalim të mundshëm tashmë ka nisur dhe Italia po shihet si destinacioni kryesor për Ugarte. Ky largim është pjesë e një plani më të gjerë të Manchester United për të shitur pesë yje të rëndësishëm dhe për të ulur kostot e pagave në klub.