Casemiro pritet të largohet nga Manchester United në fund të sezonit, duke hapur rrugën për një përforcim të ri në mesfushë. Klubi anglez, i rikthyer në Ligën e Kampionëve pas dy vitesh mungesë, ka identifikuar Edersonin e Atalantës si kandidatin kryesor për të zëvendësuar brazilianin. Bisedimet për transferimin e mesfushorit brazilian po intensifikohen, me Unitedin që synon të kalojë barrierën e 40 milionë eurove për ta marrë atë, duke u përballur me interesin edhe të Atletico Madridit dhe Arsenalit. Ndërkohë, Michael Carrick mbetet në pozitë të favorshme për të marrë drejtimin e skuadrës sezonin e ardhshëm, ndërsa forma e Casemiros nën drejtimin e tij ka ngritur dyshime për të ardhmen e brazilianit në “Old Trafford”.