Manchester United është shumë pranë finalizimit të transferimit të mesfushorit brazilian Ederson nga Atalanta. Emisarët e klubit anglez kanë zhvilluar bisedime intensive në Itali, të cilat janë konfirmuar edhe nga trajneri i Atalantas, Raffaele Palladino, i cili tha se Ederson nuk u aktivizua në ndeshjen ndaj Fiorentinës për shkak të negociatave konkrete me një klub të nivelit të lartë. Sipas raporteve të fundit, 26-vjeçari ka pranuar ofertën e Manchester United dhe pritet të zëvendësojë Casemiron, i cili do të largohet në fund të sezonit. Detajet përfundimtare të marrëveshjes do të diskutohen në ditët në vijim para se transferimi të kompletohet zyrtarisht.