Galatasaray po përgatit një ofertë të majme prej rreth 42.7 milionë paundësh për kapitenin e Manchester United, Bruno Fernandes, duke i ofruar atij një pagë prej 18.3 milionë paundësh në vit, që do të ishte pothuajse dyfish i asaj që merr aktualisht. Megjithatë, Manchester United ka bërë të qartë se nuk ka ndërmend ta shesë Fernandesin këtë verë, duke e konsideruar atë një lojtar kyç për skuadrën dhe duke mos dashur të përsërisë gabimet e së kaluarës në negociata. Fernandes, i cili ka edhe një vit kontratë me mundësi zgjatjeje, dëshiron të qëndrojë në ‘Old Trafford’ dhe të udhëheqë ekipin në garën për titullin në Premier League, megjithëse ende nuk ka arritur marrëveshje për rinovimin. Përveç Galatasaray, interes për portugezin kanë shfaqur edhe klube si Atletico Madrid, Juventus dhe AC Milan, por qëndrimi i fortë i Manchester United duket se do të mbajë yllin në Angli për momentin.