Manchester United po përgatit një transformim të rëndësishëm në mesfushë me synimin për t’u rikthyer në Champions League. Klubi anglez ka identifikuar Sandro Tonalin dhe Edersonin e Atalantës si objektivat kryesorë të merkatos së verës, duke nisur bisedimet për transferimin e tyre. Ederson pritet të largohet nga Atalanta pas përfundimit të sezonit, me një çmim rreth 50 milionë euro, ndërsa Manchester United po udhëheq garën për brazilianin, duke i ofruar një kontratë të majme. Ndërsa për Tonalin, situata është më komplekse, pasi Newcastle kërkon të paktën 80-100 milionë euro për të lejuar largimin e mesfushorit, i cili është një nga figurat kryesore të skuadrës së tij.