Manchester United po planifikon të forcojë mesfushën e tyre gjatë merkatos së verës, duke kërkuar një zëvendësues për Casemiron që do të largohet në fund të sezonit. Një nga opsionet kryesore është Lucien Agoume, 24-vjeçari i Sevillës, i cili ka impresionuar që nga transferimi nga Interi në 2024 dhe mbetet i preferuar në “Old Trafford” pavarësisht ndryshimeve në stafin teknik. Së bashku me Agoume, Manchester United po vlerëson edhe Pape Gueyen e Villarreal, si dhe Elliot Anderson dhe Sandro Tonali si alternativa të tjera për mesfushën qendrore. Sevilla, për shkak të vështirësive financiare, mund të jetë e detyruar të ulë çmimin e Agoume nga 40 milionë euro, duke e bërë më të mundshëm largimin e tij dhe të disa lojtarëve të tjerë gjatë verës.