Manchester United po përgatitet për një verë aktive në merkato, duke synuar transferimin e mesfushorit brazilian Bruno Guimarães nga Newcastle United si zëvendësues të mundshëm të Casemiro. Klubi anglez ka bërë kontakte joformale dhe është gati të ofrojë rreth 80 milionë paund, ndërsa Newcastle kërkon rreth 100 milionë paund për kartonin e lojtarit. Gjithashtu, United po monitoron edhe anësorin e Paris Saint-Germain, Bradley Barcola, si pasues të Marcus Rashford, i cili pritet të transferohet përfundimisht te Barcelona. Përveç tyre, klubi po vëzhgon edhe mesfushorin italian Sandro Tonali si një opsion afatgjatë për mesfushën, në rast largimit të Casemiro nga “Old Trafford”.