Manchester United është në faza përparimtare për transferimin e mesfushorit brazilian Ederson, i cili ka arritur marrëveshje për kushtet personale me klubin anglez deri në vitin 2031, me një pagë prej rreth 5 milionë euro në vit. Klubi anglez po përgatit një ofertë prej 45 milionë euro për Atalantën, duke synuar të mbyllë marrëveshjen dhe të sjellë lojtarin në “Old Trafford”. Në garë për shërbimet e tij është edhe Atletico Madrid, që ka propozuar një kontratë dhe pagë pak më të ulët, por oferta e tyre prej 35 milionë euro është refuzuar nga Atalanta. Me paraqitjet e shkëlqyera në Serie A, Ederson është kthyer në një nga mesfushorët më të kërkuar këtë verë, dhe Manchester United duket se po përpiqet ta sigurojë atë duke tejkaluar rivalët e tij.