Rolando Maran, trajneri i ri i Kombëtares shqiptare, ka nisur një kapitull të ri në karrierën e tij duke u larguar për herë të parë nga Italia pas 27 vitesh për të drejtuar ekipin kuq e zi. Në një intervistë të gjatë për “La Gazzetta dello Sport”, ai shprehu emocionin dhe krenarinë që ndjen për Shqipërinë, duke theksuar se dëshira e tij është të kualifikohet me këtë kombëtare në Europian. Maran do të jetojë në Tiranë dhe synon të mësojë gjuhën shqipe për të komunikuar më mirë me lojtarët, ndërsa do të aplikojë një stil futbolli vertikal dhe luftarak, duke u përpjekur të arrijë rezultate me djersë dhe përkushtim.