Mbrojtësi shqiptar Marash Kumbulla pritet të vazhdojë karrierën e tij në La Liga të Spanjës, pasi Roma nuk e ka në planet e saj për sezonin e ardhshëm. Pas një periudhe huazimi te Mallorca, Kumbulla është rikthyer te Roma, por klubi italian po kërkon ta shesë futbollistin 26-vjeçar. Të paktën tri skuadra spanjolle, Rayo Vallecano, Elche dhe Levante, kanë shfaqur interes për shërbimet e tij gjatë merkatos verore. Kumbulla ka kontratë me Romën deri në vitin 2028 dhe vlera e kartonit të tij është rreth 3 milionë euro, ndërsa gjatë karrierës ka luajtur edhe për Espanyol, Sassuolo dhe Verona.