Mbrojtësi i Kombëtares shqiptare, Marash Kumbulla, dyshohet se ka pësuar një tjetër lëndim muskulor pas ndeshjes së fundit të Mallorcas kundër Valencias. Sipas mediumit spanjoll “Ultima Hora”, Kumbulla ndjeu shqetësim në muskul gjatë stërvitjes dhe nuk arriti të përfundojë seancën, duke ngritur shqetësime për një periudhë tjetër jashtë fushave. Ky do të ishte lëndimi i pestë i tij gjatë këtij sezoni, dy prej të cilëve kanë qenë seriozë dhe kanë zgjatur muaj me radhë, duke kufizuar ndjeshëm rolin e tij në skuadër. Kumbulla është i huazuar te Mallorca nga Roma dhe mbetet e paqartë nëse do të rikthehet shpejt apo do të mungojë sërish për një kohë të gjatë.