Marcelo Brozovic, mesfushori kroat, ka firmosur një kontratë njëvjeçare me klubin e njohur katarez Al Sadd, duke nisur kështu një fazë të re në karrierën e tij pas largimit nga Al Nassr në verë. Ai kaloi tre vite te skuadra saudite, ku u shpall kampion në sezonin e kaluar dhe zhvilloi 99 ndeshje në të gjitha garat. Brozovic ishte pa klub që nga korriku, ndërsa tani Al Sadd po finalizon dokumentacionin për transferimin e tij si lojtar i lirë, me opsion vazhdimi edhe për një vit tjetër. Ky transferim vjen pas spekulimeve për një kalim te Juventusi, por mesfushori ka zgjedhur të vazhdojë karrierën në Katar, duke u bërë pjesë e një prej klubeve më të mëdhenj në rajon.