Pak orë para nisjes së Kupës së Botës 2026, Kombëtarja e Marokut ka pësuar një goditje të rëndë me largimin e dy yjeve të saj, Nayef Aguerd dhe Abdessamad Ezzalzouli (Ez Abde), për shkak të lëndimeve. Mbrojtësi Aguerd nuk ka luajtur që nga marsi për shkak të një dëmtimi në ijë dhe një frakturë në zonën pubike, ndërsa sulmuesi Ezzalzouli u lëndua në një ndeshje miqësore kundër Norvegjisë dhe nuk arriti të rikuperohet në kohë për turneun. FIFA ka miratuar zëvendësimet e tyre me Marwane Saadane dhe Amine Sbai, të cilët ishin pjesë e përgatitjeve të fundit të ekipit në Shtetet e Bashkuara. Maroku do të nisë aventurën në Grupin C ndaj Brazilit, ndërsa trajneri Mohamed Ouahbi duhet të riorganizojë strategjinë e skuadrës pa dy prej lojtarëve më të rëndësishëm të saj.