Gabriel Martinelli, sulmuesi brazilian i Arsenalit, po përballet me një të ardhme të pasigurt teksa klubi saudit Al Hilal ka nisur negociatat për transferimin e tij. Al Hilal është gati të ofrojë rreth 60 milionë euro, shumë që përputhet me kërkesat e Arsenalit, ndërkohë që braziliani është i hapur për të shqyrtuar këtë mundësi. Martinelli është jashtë planeve të trajnerit Mikel Arteta dhe nuk është përfshirë në dy ndeshjet e para të sezonit, duke shtuar spekulimet për largimin e tij. Pavarësisht ofertës së refuzuar më parë nga Galatasaray, ku braziliani nuk ishte i interesuar për Turqinë, tani negociatat me Al Hilal po zhvillohen në mënyrë intensive dhe pritet një vendim i rëndësishëm në ditët në vijim.