Barcelona ka vendosur masa strikte sigurie për ndeshjen e Ligës së Kampionëve ndaj Feyenoordit në “Spotify Camp Nou”, e cila është klasifikuar si me rrezik të lartë nga Komisioni Kundër Dhunës. Klubi ka implementuar një protokoll të gjerë që përfshin kontroll të rreptë të biletave, ku ato do të jenë në emër të blerësit dhe nuk do të lejohet transferimi apo shitja e tyre më pas. Shitja në sportele është pezulluar, ndërsa anëtarët e klubit kanë përparësi në blerje, dhe janë kufizuar edhe operatorët turistikë për të parandaluar hyrjen e tifozëve mysafir në sektorët e rezervuar për vendasit.