Mason Greenwood është shumë pranë transferimit te Fenerbahçe, pasi Manchester United ka vendosur të mos aktivizojë klauzolën e riblerjes për sulmuesin anglez. Kjo ka hapur rrugën që klubi turk të finalizojë marrëveshjen me Olympique Marseille, i cili do të përfitojë nga shitja e lojtarit. Një pjesë e shumës do t’i kalojë edhe Manchester United falë klauzolës së ruajtur në transferimin e mëparshëm. Greenwood, i larguar nga “Old Trafford” pas një periudhe të trazuar, pritet të vazhdojë karrierën e tij në Superligën turke, ndërsa Fenerbahçe po përgatit dokumentacionin përfundimtar të transferimit.