Tottenham do të presë një mysafir special në ndeshjen e parë të 1/8 së finales së Ligës së Kampionëve ndaj Atletiko Madridit, pasi ish-trajneri i tyre Mauricio Pochettino do të jetë i pranishëm në tribunat e stadiumit "Metropolitano". Pochettino, aktualisht trajner i kombëtares së Shteteve të Bashkuara, do të mbështesë Tottenhamin, ndërsa spekulimet për rikthimin e tij në krye të skuadrës angleze po shtohen. Megjithatë, trajneri argjentinas ka deklaruar se është i fokusuar te Kupa e Botës dhe se kontrata e tij me SHBA-në zgjat deri pas këtij eventi. Tottenham po kalon një sezon të vështirë në Premierligë, duke luftuar për mbijetesë, gjë që rrit interesin për një rikthim të mundshëm të Pochettinos në klub.