Kylian Mbappe është rikthyer në stërvitje me Real Madridin vetëm dy ditë para ndeshjes vendimtare të kthimit ndaj Bayern Munich në Ligën e Kampionëve. Ai u stërvit normalisht me pjesën tjetër të skuadrës, duke larguar dyshimet për gjendjen e tij fizike pas lëndimit në kokë që pësoi në ndeshjen kundër Gironas. Stafi mjekësor po e menaxhon situatën me kujdes dhe trajneri Alavaro Arbeloa pritet ta vendosë Mbappen në formacionin startues për sfidën në “Allianz Arena”. Real Madridi duhet të përmbysë humbjen 1-2 të ndeshjes së parë në “Santiago Bernabeu” për të eliminuar Bayern Munichun në këtë çerekfinale të Ligës së Kampionëve.