Kylian Mbappe ka folur hapur për periudhën e tij te Paris Saint-Germain dhe marrëdhënien me presidentin Nasser Al-Khelaifi, duke pranuar se pavarësisht tensioneve dhe betejës ligjore për dhjetëra milionë euro, ai ruan respekt të madh për të. Sulmuesi francez, i larguar në verën e vitit 2024 drejt Real Madridit, theksoi se nuk mund të harrojë gjithçka që PSG dhe Al-Khelaifi kanë bërë për të dhe familjen e tij gjatë viteve në klub. Ai përmendi gjithashtu periudhën e vështirë të fundit në Paris, përfshirë përjashtimin nga skuadra dhe polemikat e shumta, por nënvizoi se Paris Saint-Germain ka një vend qendror në jetën dhe karrierën e tij. Në fund, Mbappe vlerësoi edhe presidentin e Real Madridit, Florentino Perez, për sjelljen dhe mbështetjen që i ka dhënë që nga transferimi në klubin spanjoll.