Mesfushori i Kombëtares shqiptare dhe i skuadrës italiane Lecce, Medon Berisha, ka përfunduar para kohe sezonin 2025-2026 për shkak të një dëmtimi serioz në këmbën e djathtë. Ai pësoi një dëmtim fillestar në muajin dhjetor gjatë një ndeshjeje ndaj Pisas, duke qëndruar jashtë fushave për disa javë, por gjatë një seance stërvitore të personalizuar pësoi një dëmtim të dytë në muskulin e brendshëm të kofshës së djathtë. Kjo situatë e detyron Berishën të nënshtrohet një ndërhyrjeje kirurgjikale të enjten, me shpresën për t’u rikthyer i gatshëm në sezonin e ardhshëm.