Mërgim Vojvoda është përfshirë në 11-shen më të mirë të xhiros së fundit në Serie A, falë paraqitjes së tij të jashtëzakonshme në fitoren 2:0 të Como-s ndaj Juventusit në Torino. Ai shënoi golin e epërsisë dhe u zgjodh lojtar i ndeshjes, duke marrë notën 7 nga “Calciomercato”. Vojvoda ka qenë një prej lojtarëve më të dalluar të Como-s në këtë sezon, ku në 23 paraqitje ka shënuar 2 gola dhe ka dhënë po aq asistime. Ai u transferua te Como nga Torino para një viti dhe ka kontratë deri në verën e vitit 2028, ndërsa ekipi i tij aktualisht renditet i gjashti në tabelën e Serie A me 45 pikë.