Futbollisti kosovar Meriton Korenica mund të ndryshojë skuadër gjatë verës, duke u transferuar nga Cluji te Rapid Bukureshti në Rumani. Ky transferim lidhet ngushtë me trajnerin Daniel Pancu, aktualisht në Cluj, i cili ka arritur marrëveshje për të drejtuar Rapidin dhe synon të marrë me vete disa lojtarë, përfshirë edhe Korenicën. Mesfushori 29-vjeçar ka kontratë me Clujin deri në verën e vitit 2027 dhe ka shënuar 12 gola dhe 9 asistime në sezonin aktual, duke qenë një prej lojtarëve më të rëndësishëm të ekipit. Përveç Rapidit, Korenica ka pasur oferta edhe nga SHBA dhe Qipro, por klubi nuk ka pranuar ta lërë deri tani.