Lionel Messi vazhdon të thyejë rekorde duke arritur një audiencë globale prej mbi 3.5 miliardë njerëzish që ndjekin çdo veprim të tij përmes mediave, rrjeteve sociale dhe transmetimeve sportive. Edhe në fazën përfundimtare të karrierës, ylli argjentinas mbetet një nga figurat më të ndjekura dhe më me ndikim në historinë e sportit, duke tejkaluar kufijtë e futbollit tradicional. Në prag të Botërorit 2026, prania e Messit konsiderohet një nga atraksionet kryesore të turneut, me miliona tifozë që shpresojnë ta shohin sërish në fushë. Mbështetja për Argjentinën është jashtëzakonisht e madhe edhe në vende që nuk marrin pjesë në Botëror, duke e bërë skuadrën “Albiceleste” një nga më të preferuarat ndërkombëtarisht.