Lionel Messi është shumë pranë blerjes së klubit Eldense, që garon në divizionin e dytë spanjoll, duke arritur një marrëveshje paraprake me pronarët aktualë, grupin kolumbian Grupo TH. Kjo marrëveshje duhet të kalojë procedurat ligjore dhe të marrë miratimin nga Këshilli Kombëtar i Sportit të Spanjës për t’u finalizuar. Eldense do të bëhet klubi i dytë në pronësi të Messit në Spanjë, pas blerjes së klubit gjysmë-profesionist Cornellà më herët gjatë vitit. Skuadra nga Valencia ka pasur një fillim të vështirë të sezonit dhe ka shkarkuar trajnerin e saj, ndërsa blerja nga Messi shënon një hap të rëndësishëm në zgjerimin e investimeve të tij në futbollin spanjoll.