Piloti italian Kimi Antonelli arriti të sigurojë pole position në pistën e Miami, duke regjistruar kohën më të shpejtë prej 1’27”798 dhe duke u vendosur në vijën e parë të startit së bashku me holandezin Max Verstappen, i dyti. Pas tyre renditen Charles Leclerc dhe Lando Norris në vijën e dytë, ndërsa në vijën e tretë do të jenë dy pilotë britanikë, George Russell dhe Lewis Hamilton. Për shkak të parashikimeve për reshje shiu dhe kushteve të pafavorshme atmosferike, organizatorët vendosën të zhvendosin orarin e garës nga ora 22:00 në 19:00, për të garantuar sigurinë e pilotëve dhe ekipet. Gara pritet të jetë dinamike dhe plot surpriza, ndërsa fansat do ta ndjekin drejtpërdrejt në kanalin Sport 4.